LAJME

[b], Dalipi: Qeveria të nxitë prodhimin vendas[/b]


Te tjera ...
Deputeti i Partisë Socialiste, Alfred Dalipi, kërkoi gjatë një konference për shtyp, që qeveria të marrë masa të menjëhershme financiare dhe fiskale për produktet bujqësore, duke nxitur prodhimin vendas bujqësor dhe duke rikonceptuar nga e para subvencionimin.

Duke reaguar ndaj krizës së çmimeve të produkteve bujqësore, zoti Dalipi u shpreh se "apeli ka ardhur nga Banka e Shqipërisë, ku Guvernatori i Bankës kërkoi që për një ekonomi si Shqipëria, duhet të rriten sipërfaqet e mbjella dhe produktiviteti për njësi".

Sipas tij, "qeveria duhet të shtojë masën e ndihmës financiare për sektorin agro-ushqimor, si dhe të marrë masa për të shmangur politikat selektive në subvencionimin e programeve mbi bujqësinë dhe keqpërdorimin e fondeve nga donatorët e huaj".

29/04/2008

[b]MSH hetim shkaqeve të vdekjes së 17 vjeçares Petriti[/b]




Grupi i punës i ngritur me urdhër të ministrit të Shëndetësisë, Nard Ndoka, për hetimin e rastit të vdekjes së Matilda Petritit, 17 vjeçares nga Korça, po verifikon të gjithë dokumentacionin e mjekut Xhevahir Hoxhallari, që ka kryer ndërhyrjen ne klinikën private në Pogradec dhe po shqyrton kartelën e pacientes që humbi jetën dy ditë më parë në QSUT, konfirmoi për mediat Ministria e Shëndetësisë.

Ministria siguroi opinionin publik se për vendime të mëtejshme lidhur me rastin e 17 vjeçares, po priten edhe rezultatet e prokurorisë, që po heton çështjen në fjalë.

Gjithashtu, pritet të përfundojë edhe ekspertiza e Institutit të Mjekësisë Ligjore, që do të përcaktojë shkakun e vdekjes së vajzës dhe rrethanave të ngjarjes. Ndërkohë, specialistët e seksionit Kundër Krimeve të Jetës dhe Shëndetit, pranë Policisë së Tiranës, kanë grumbulluar të gjitha praktikat mjekësore ndaj viktimës në klinikën e qytetit të Pogradecit.

Grupi hetimor i ngritur pas ndodhjes së kësaj ngjarjeje, në prezencë të prokurorit të çështjes, ka marrë në pyetje për të përcaktuar pozicionin e tyre, dy mjekë otorino-laringologe pranë Repartit të O.R.L në QSUT, të cilët kanë kryer ndërhyrjen kirurgjikale në Pogradec dhe që kanë qenë prezente në momentet e fundit të jetës së 17 vjeçares.

Matilda Besim Petriti, dyshohet se ka humbur jetën si pasojë e një hemoragjie. Rreth një muaj më parë, viktima ka kryer një ndërhyrje kirurgjikale (në bajame) në një klinikë private në qytetin e Pogradecit.
Nga: 2008-04-29 15:36:02
29/04/2008