LAJME

Njeriu më i gjatë i botës takon presidentin e Ukrainës

Gjatësia e 37-vjeçarit Leonid Stadnik arrin në 2.59 metra ose 8,5 feet. Gjiganti fle në dy shtretër të bashkuar dhe peshon 200 kilogramë. Gjatoshi i botës, është 37-vjeçari ukrahinas Leonid Stadnik, i cili thotë se kur e sheh veten “gjigant”, dëshiron që ai të mos rritet më tepër. Presidenti i Ukrainës Viktor Yushchenko u takua me Stadnik në pallatin presidencial dhe i lidhi atij një pension special, duke premtuar se do të paguajë tre njërëz që t’i shërbjenë 24 orë njeriut më të gjatë në botë. Ai tashmë është i gjatë 2 metra e 59 centimetra ose sipas njësisë matëse amerikane 8.5 feet.
Kjo gjatësi e bën shtetasin e Ukrainës njeriun më të gjatë në botë. Këtë, titull më parë e kishte shtetasi i Tunisit Radhoune Charib, i cili është 17 centimetra më i shkurtër se Stadnik. Njeriu më i gjatë në botë, Leonid Stadnik nga Ukraina, sot për sot është edhe më i gjatë se bariu mongolez Bao Xishun i gjatë 2.36 metra, i lindur më vitin 1951 dhe i martuar me një grua që është një metër e diçka më e shkurtër. “Mëngët e veshjeve të mia, dy vjet të vjetra, janë 30cm më të shkurta nga ç’duhet të jenë” thotë Stadnik. “Gjatësia ime është ndëshkim për mua nga Zoti. Jeta ime nuk ka kuptim në këto përmasa.

Më vjen çudi kur të gjithë njerëzit më vështrojnë vetem mua dhe fillojnë të qeshin me gjatësinë time”. Stadnik jeton në një shtëpi rreth 200 km nga kryeqyteti Kiev. Rritja e pakontrollueshme e Stadnikut, sipas doktorëve ka filluar pasi ai bëri një operacioni në tru qysh në moshën 14-vjeçare. Më parë, gjiganti ukrainas ka punuar si veterinar në një fermë, por u detyrua që të largohet para tri viteve pasi nuk mund të siguronte këpucë në madhësinë e 45 centimetrave. Këtë muaj, më në fund, ai u bë me një palë këpucë të cilat, ia siguroi një biznismen lokal. Ato kushtuan 200 dollarë amerikanë, shifër që ka vlerën e shtatë pensioneve që merrte më parë Stadnik si ndihmë nga shteti i Ukrainës. Stadnik fle në dy shtretër të bashkuar në një shtëpi të vogël fshati. Ai jeton së bashku me nënën e tij Halyna, një grua e divorcuar. Ai peshon 200 kilogramë dhe ka një dhembje kronikale në gjunjë pasi ka thyer këmbën disa herë nga gjatësia. Ai punon në kopshtin e tij, kujdeset për kafshët e shtëpisë, nget biçikletën, provon të luajë ndonjë lloj sporti me fëmijët e fshatit dhe ndihmon fqinjët në punët e tyre. Ai i bën të gjitha këto, sepse siç shprehet dhe vetë, kështu e kanë këshilluar mjekët ukrainas. Një mik i Stadnikut tregon: “Ai është njeri zemërgjerë dhe ka një shpirt të mirë. Shokët e tij po tentojnë të organizojnë një udhëtim për të dhe ta dërgojnë në malet Karpate, për t’i treguar se ka diçka që është më e madhe se ai...”. Kur e pyesin njeriun më të gjatë të botës për t’u martuar, ai qesh dhe përgjigjet: “Eh... kush më merr mua për burrë?”

Beqir SINA : Gazeta Albania

Hidhet drite mbi kafken e Hitlerit

Kafka e cila mendohej se ishte e Adolf Hitlerit, i perket nje gruaje. Perfundimi ka dale pas nje testi te ADN-se te kryer mbi ato qe mendohej se ishin mbetjet e diktatorit.
Sipas “Sun”, per 64 vjet librat e historise kane shkruar se Hitleri, 56 vjec ne ate kohe, qelloi veten ne koke ne bunkerin e tij pasi kishte pire nje pilule cianuri. Me pas kufoma e tij u dogj pjeserisht dhe u varros jashte bunkerit. Ushtria e Kuqe zhvarrosi ate qe mbeti nga trupi i tij dhe e coi ne Rusi. Ne 1970 KGB-ja kerkoi qe mbetjet e gjetura te digjeshin perfundimisht, duke shpetuar pjeserisht vetem kafken dhe nofullat. Me pas nje arkeolog amerikan, Nick Bellantoni mori leje per te analizuar keto mbetje dhe pasi kreu analizat e ADN-se, ka zbuluar se kafka jo vetem qe i perket nje gruaje, por eshte edhe me e re se Fuhrer.

Kafka mund te jete e te dashures se re te Hitlerit, Eva Braun, por nuk perjashtohet mundesia qe t’i perkase nje personi te trete. “Mund te jete kushdo, pasi nuk ka asnje prove qe Braun te kete qelluar veten apo te jete vrare”, tha Bellantoni. Ne vitin 2000 Moska ka ekspozuar per here te pare ne histori te gjithe eshtrat e gjetura ne bunkerin e Hitlerit, perfshire edhe mbetjet e analizuara.