intervista albanian_reviste elektronike____elvanagjata kengetarja me seksine shqiperi per vitin 2008

Une do doja te ju kujtoja pak se kur dhe perse lindi kjo ankete.Vite me pare,ne media filloi te kritikohej imazhi seksi i kengetareve tona,duke i justifikuar kritikat me faktin se keto kengetare nuk ishin serioze.Brenda nates bukuria u shnderrua ne mallkim,por ne vendosem ti mbeshtesnim keto vajza te bukura jo vetem per inat te ketyre “artisteve serioze”, qe mundohen te justifikojne deshtimet e tyre duke i vene fajin gjithkujt, por dhe sepse te gjithe e dine,pa vajza te bukura koncertet,revistat e videot jane sa te merzitshme.Ky eshte viti i katert qe ne organizojme kete ankete.Dy vitet e para ajo u fitua nga Adelina Ismaili,gje qe na beri te vendosim nje rregull te ri ku, kengetarja e shpallur nje here fituese nuk do vendoset me ne konkurim pasi nuk do kishte kuptim s’po mendoni? Vjet ju votuat si kengetaren me seksi Zanfina Ismailin ndersa kete vit,pas rreth 2000 votimesh ne nje muaj ju shpallet si “Kengetaren me seksi ne Shqipe ‘08” Elvana Gjaten. Per ju sot sjellim nje interviste me kengetaren si dhe nje sesion fotografik,i cili publikohet i plote per here te pare ne web.

Elbino: Elvana pershendetje!Ku jeni ne keto momente dhe cfare jeni duke bere?

Jam ne dhomen time te vogel ,me njeren dore po perkedhel macen time ,kurse me tjetren po shkruaj : )

Ardit Gjebrea e cilesoi albumin tuaj debutues si me te shiturin e vitit 2007.E prisnit nje sukses kaq te madh ne nje kohe kaq te shkurter?

Ne fakt bashke me Florin kemi punuar shume,per nje kohe te gjate dhe me shume dashuri dhe prisja qe publiku ta perkrahte, por nje sukses te till te menjehershem nuk e mendoja,dhe kjo me ben shum te lumtur dhe mirenjohese te gjithe publikut artdashes.

Tani,ne Albaniac ju kane vlersuar dhe pamjen duke ju cilesuar si kengetarja me seksi ne muziken shqipe.Si ju duket ky kompliment i lexuesve tane?

Natyrisht qe cdo femer qe do merrte nje kompliment per sensualitetin e saj do ndihej mir ,gjithashtu dhe une ,por nuk dua qe imazhi im si kengetare te mbetej ne keto kufij apo te personifikohej me kete gje...

Ju keni bere disa bashkepunime te suksesshme dhe nuk di pse po mendoja qe nje duet me Genta Ismailin,do ishte superhot!Mendoni se mund te ndodh ne projektet e ardheshme?

Nuk e di,Gentet un e vleresoj shum si artiste por per projektet e mia kujdeset Flori keshtu qe duhet ta di ai me mire.

Keni filluar pergatitjet e albumit te ri?

Une me Florin nuk mund te rrime pa punuar,keshtu qe ne po punojme per kenge te reja qe si per pasoj sjell nje album te ri : )

Vazhdimisht keni eksperimentuar nga pop_i ne dance,pop folk,balada e se fundmi r'n'b...ne projektet e ardheshme do vazhdoni ne te njejten menyre apo do ti qendroni me besnike r'n'b qe faktikisht ju solli dhe suksesin me te madh?

Ne fakt muziken r‘n’b e kam dashur gjithmon dhe kam shum kohe qe doja te shfaqesha me kete stil muzikor ,mbase ky ishte momenti i duhur.Padyshim qe do vazhdoj me te njejten menyre, por kjo nuk do te thote qe mos te eksperimentoj ne rryma te tjera.

Ju keni deklaruar ne nje interviste per gazeten "Koha Jone" se i keni dhene fund bashkepunimit me Getoarin.Nderkohe...dy prej hiteve tuaja me te suksesshme jane bashkepunime me Getoarin.Vertet "jo me kenge me Getin" ne te ardhmen?

Ne fakt kam thene qe momentalisht nuk mendoj te bashkepunoj me me Getin,mbase ne te ardhmen.”Mames” eshte krijim i Getoarit por bashkpunimi per te dyja kenget ka qene midis meje ,Florit dhe Getoarit,keshtu qe suksesin e ndajme te tre.Padiskutim qe i jam mirnjohese Getoarit per profesionalizmin qe ka treguar ai ne kete bashkepunim dhe kontributin e tij ne albumin tim.

A jeni ju nje prej kengetareve me te paguara ne Shqipe? Keshtu flitet midis menaxhereve te koncerteve muzikore...

Cfar rendesie ka kjo…E rendesishme eshte qe publiku me pret gjithmone ngrohte dhe kjo eshte pagesa me e madhe per nje artist.

Tek "Kenga magjike" per nje moment u duk sikur ju do ishit fituesja e cmimit te pare. C'po mendonit ne ato momente? C'do kishte ndodhur po te kishit fituar juve?

Ne fakt une nuk doja cmimin e pare,Aurela e meritonte!Cmimi me i madh qe mund te merrja nga ai festival ishte qe publiku te ndjente kengen time ashtu sic e ndjej une dhe kete cmim une e kam fituar..

Na shuani nje kuriozitet...Ku jeton dashuria e Elvanes?

Thelle ne zemren time..

Shumica e artisteve thone qe cmimet nuk kane rendesi,por pastaj nuk e fshehin dot merzitjen.Sinqerisht!Kush eshte “ndryshimi” nga fitimi i cmimit te pare dhe cmimit te trete?

Eshte thjeshte ndryshim numri,ta siguroj qe me mua ndodhi ajo cka thashe pak me lart.

Perpara se te beheshit e njohur,ju keni marre pjese ne shume festivale e konkurse muzikore ku dhe nuk ju kane vlersuar me cmime...hmmm...Po fillojme te mendojme se jo gjithmone juria ka te drejte?

Jo s’ka te bej kjo, por mendoj qe rasti i vetem qe nuk jam vlersur me cmim nga juria eshte se kam qene shum e vogel,mbase kane pasur te drejte duhet te rritesha pak : )

Do publikoni ndonje video te re se shpejti? Keni pas te planifikuar videon e kenges "Vetem ty te kam", a eshte caktuar ndonje date per premiere?

Shum shpejt do realizoj dhe nje klip te ri nje kenge te krijuar nga Flori qe s’eshte ne album.Kam dashur shume te bej nje klip per "Vetem ty te kam ", por ajo u be hit dhe keshtu s’kishte me nevoj per klip.

Dhe ne fund.Une e di qe nje dite pas Shen Valentinit do jeni ne Belgjike,por per Shen valentin ku dhe me ke do jeni?

Di qe do jem ne Shqiperi me njerzit qe dua me shum ne bote,por te siguroj qe festen e Shen Valetinit nuk e festoj.Kam pershtypjen qe te dashuruarit feste kane cdo dite.Gjithsesi ju uroj festen te gjithe shqipetareve kudo qe jane sepse jemi kombi me zemren me te madhe.

Nese ju menduat se te gjitha ishin thene per Bleonen,e keni gabim.Me nje ceremoni martese qe pritet te zhvillohet se shpejti ne Tirane,nje album te ri dhe nje turne ne mbare viset shqiptare, kengetarja ka ende per te treguar. Ndaj, ne i morem disa caste per te treguar per Albaniac, me te fundit ne lidhje me aktivitetin e saj.Oh! Mos harroni te vizitoni galerine “Oh!Shqipe” per fotot me te fundit nga kengetarja.

Elbino:Ky eshte albumi juaj i shtate gje qe ju ben juve nje prej kengetareve me produktive te muzikes shqiptare.A mund te thuhet qe albumi i ri eshte albumi me i mire qe keni realizuar deri me sot?

Bleona:Sigurisht qe po, duke mare parasysh qe muzika evolon me kohen.Ne kengetaret mundohemi te jemi sa me shume koherente duke sjelle muziken qe degjohet sot per sot ,por kjo nuk do te thote qe albumet e mia te me perpareshme nuk kane qene ne nivel.Ato kane qene shume te mira per kohen ne te cilen kane dale.Ajo qe mund te them per albumin e fundit eshte qe, une kam bere maksimumin duke u kujdesur per cdo detaj duke filluar nga tekstet, melodite orkestracionet e deri tek miksimi e masterizimi i kenges...kam punuar vertet shume ,pastaj a do ta pelqeje publiku ,kjo eshte dicka tjeter.

Cfare te reje sillni me kete album? Me cilet autore keni bashkepunuar per realizimin e tij?

Sjell me shume muzike r&b dhe kam bashkepunuar me Enis Presheven,Edi Balilin,Darkon,Virusin,Etno Engjujt etj.

Cila parashikoni se do te jete kenga hit e albumit te ri?

Shpresoj se do te jene dy kenge me shume te degjuara se te tjerat.Njera titullohet “Mandarina”, e cila eshte nje bashkepunim midis meje,Makiato band dhe Etno Engjejve me ritme r&b dhe tjetra titullohet “Qejfin gruas mos ja prish”, nje kenge me ritme popullore.

Shume prej kengetareve te njohur te viteve ’90 kane humbur ate shkelqimin e tyre dhe me rralle i shohim ne skenat muzikore.Nderkohe ju keni pasur nje sukses te qendrueshem dhe ende vazhdoni te jeni e suksesshme.Si ja arrini?

Me nje lodhje te jashtezakonshe e duke jetuar neper aeroporte(ha ha ha)

Perse vendoset qe te publikonit nje album ne gjuhen angleze?

Duke qene qe une po planifikoj te jetoj ne SHBA eshte e domosdoshme qe te mundohem te bej dicka ne anglisht aq me teper qe kenga eshte pasioni im dhe une do vazhdoj te mbetem kengetare dhe pse do te jetoj larg Shqiperise por ne asnje menyre larg publikut shqiptar.

Keni folur ne shyp se po tentoni per te depertuar ne tregun muzikor amerikan.Si ju kane shkuar punet?

Jo keq...po per te realizuar me te vertete dicka me duhet te jetoj per nje kohe te gjate ne SHBA, gje te cilen nuk kam mundur ta bej deri tani mbasi kam pasur per te perfunduar albumin shqip.

Pervec koncertit ne Nju Jork a do te zhvilloni koncerte ne shtete te tjera te Amerikes? Po ndonje turne muzikor ne Shqiperi-Kosove-Maqedoni a do te kete?

Jam duke u mare momentalisht me organizimin e nje turi madheshtor qe behet ne kuader te promovimit te albumit dhe mbahet ne korrik-gusht ne Shqiperi,Maqedoni e Kosove

Po ashtu si artistet boterore edhe shume artiste shqiptare i jane futur rruges se biznesit.A keni menduar qe dhe ju te hapni nje biznes tuajin?

Jo...une nuk mund te jem biznesmene...zakonisht harxhoj gjithmone me shume sesa fitoj

Videoja juaj e fundit “Hallall e ke” ka qene me e shikuara ne Albaniac.Ku e keni realizuar ate? I ideoni vete fabulat e videove apo ja lini ne duar produksionit?

Eshte e realizuar ne Tirane dhe me skenar e regji timen

Kur do dali ne televizion videoja e re,prezantuese e albumit me te fundit?

Akoma nuk e kam perfunduar.

Le te flasim pak per nje lajm qe ka kohe qe qarkullon ne Tirane. Eshte e vertete se Bleona do martohet?

Ceremonia do te mbahet vetem mbas pak muajsh mbasi akoma nuk kam mbaruar tourin tim.

Ceremonia do mbahet ne Sh.B.A apo Shqiperi?

Do te mbahet ne Tirane.

Te gjitha femrat “vdesin” te tregojne sesi u njohen me njeriun e zemres dhe sesi i propozoi per martese. Do i ndani me lexuesit e Albaniac keto dy momente tuajat? : )

Eshte bere histori e vjeter kjo, tashme ka me se 3 vjet qe qarkullon keshtu qe besoj shumica e dine.

Pas marteses do e shikojme ne skene Bleonen, me serioze apo ekstravagante dhe surprizuese si gjithmone?

Une nuk kam per te ndryshuar stilin tim, vetem gjendjen sociale (qesh).

Ka shume kohe qe te gjithe e presin Elsen te rikthehet ne skenen muzikore shqiptare,jo sepse i ka munguar pasi gjithmone eshte e ftuar ne spektakle e koncerte te ndryshme, por sepse kengetarja me e njohur dhe e talentuar ne Shqipe,pas kaq vitesh ende nuk ka nje album te sajin ne gjuhen shqipe.Per fat te keq, fansat duhet te presin edhe me teper, pasi kengetarja ende nuk e ka ne plan te publikoje nje album ne shqip dhe arsyen perse, e jep pikerisht me poshte ne intervisten per Albaniac.
E PAARRITSHMJA ELSA
Ka shume kohe qe te gjithe e presin Elsen te rikthehet ne skenen muzikore shqiptare,jo sepse i ka munguar pasi gjithmone eshte e ftuar ne spektakle e koncerte te ndryshme, por sepse kengetarja me e njohur dhe e talentuar ne Shqipe,pas kaq vitesh ende nuk ka nje album te sajin ne gjuhen shqipe.Per fat te keq, fansat duhet te presin edhe me teper, pasi kengetarja ende nuk e ka ne plan te publikoje nje album ne shqip dhe arsyen perse, e jep pikerisht me poshte ne intervisten per Albaniac.Qe prej 1997 kur me debutimin ne Festivalin e Kenges ne RTVSH fitoi cmimin e pare dhe u rikthye nje vit me pas per te marre po te njejtin cmim, Elsa Lila vazhdon me thjeshtesine dhe zerin e saj te vecante, te mbetet kengetarja me e vlersuar ne Shqipe.Pas tete vjetesh ajo mbetet talenti i fundit qe ky festival zbuloi ne skenen e tij, e qe tashme e kerkon te rikthehet per nje prezantim sa me dinjtoz, ne Eurosong, por kjo kerkese duket se do te ngelet e pa plotesuar edhe kete vit e ndoshta edhe per disa vite te tjere.Sidoqofte, Elsa ka te tjera plane per 2007 dhe nje koleksion fotosh qe e tregojne ate ndryshe nga c'jemi mesuar me pare.Lexoni intervisten e mos harroni te lini pershtypjet tuaja.

Elbino

Gjate gjithe kesaj kohe qe keni qene larg Amerikes cfare ka ndodhur ndonje e re jeten tuaj profesionale dhe ate private?

Normal,une jam nje kengetare dhe persa i perket jetes artistike dhe pse nuk udhetoj pertej pacifikut, vazhdoj jeten tim artistike ne Itali.Kam vazhduar te shkruaj kenge, kam vazhduar te punoj ne studio duke mbledhur material, qe ne nje moment qe mua do me duket me i pershtashem per tregun dhe gjendjen time emocionale,psikologjike etj, ti permbledh te gjitha keto kenge dhe te dalin ne nje album.

Jeni duke pergatitur per albumin e dyte ne italisht?

Po jam duke u pergatitur per nje album ne italisht.

Vazhdon te keni kontrakten me BMG?

Me BMG e kam pasur, por tani jam ndare prej tyre

Dhe me cilen kompani vazhdoni?

Tani jam duke kontraktuar me disa kompani, dhe aktualisht nuk kam firmosuar akoma por jam ne kontraktim e siper.

Keni bashkepunuar me ndonje artist te njohur italian ne albumin tuaj te dyte?

Po normal, kam bashkepunuar me Maurizio Fabrizio qe eshte nje kompozitor shume i njohur ne Itali dhe ka shkruar per Eros Ramazzotti,Giorgia, per shume emra te medhenj dhe me ka dhene kenge edhe mua, sepse kemi bashkepunuar se bashku para gjashte vjetesh.Shume artiste te tjere pak me te vegjel, te cilet ndoshta ju nuk i njihni, por ne Itali jane shume te njohur si dhe do te kem nje duet me Massimo Ranieri.

Dmth albumi i dyte ne italisht do te jete vertet bombe!

Nuk e di sesa do te jete bombe, por une kam kohe qe po punoje dhe shpresoj qe te dali mire.

Jo, e kam fjalen, duke pasur shume kompozitore dhe kengetare te njohur qe po punojne per kete album, mendoj se do te jete i suksesshem

Shpresojme, shpresojme!

Jeni kengetarja me e vlersuar e brezit tuaj ne muzike dhe ende nuk keni nje album shqip.Pse Elsa?

Sepse, aktualisht nuk me duket momenti i duhur.Une material ne shqip, mund te kisha per pese albume jo per per nje. Sirtaret ne shtepine time i kam plot me kenge te papublikuara te shkruara nga une apo te tjere, te cilat mund te permblidheshin fare mire, jo kenge te marra nga Rumania apo Bullgaria, por kenge tamam te papublikuara ndonjehere, por nuk me duket se do te ishte e pershatshme qe nje albumi ime te dilte ne kete moment HISTORIK te tregut tone, pasi mund te kishte rrezik qe, te kalonte pa u degjuar fare apo i pakonsideruar, pasi publiku duket i terhequr nga rrymat e reja qe kane dale.

Une mendoj, perkundrazi, nqs do behej albumi do kishte shume sukses, pasi mbaj mend kur dolet heren e fundit si e ftuar ne Festivalin e Kenges ne RTVSH. Ai ishte nje moment shume cool ku salla ju duartrokiti e u ngrit ne kembe, gje qe ndodh rralle.Ma do mendja se te gjithe presin nje album prej jush.

E di, por po e mendoj dhe njehere.

Common Elsa!!! Mos u vono!

Keni konkuruar dhe fituar dy here ne F.K ne RTVSH. Dukeqene se tani ka hyre ne loje dhe Eurosong a do te riktheheni te konkuroni serisht?

Jo.Te dyja heret qe une fitova, per fat te keq televizioni shqiptar nuk kishte paguar taksat e duhura per te qene perfaqsues ne Eurosong, behet fjale per vertet shume pak.

Elsa,nje moment pasi nuk po ju degjoj mire, a mund ta ngrini pak zerin?

(qesh) Nqage jam shume e lodhur dhe jam ngritur nga gjumi para gjysem ore, ndaj flas me kete ze, pasi nuk e kam mare veten

Ok, te kerkoj te falur..

Jo nuk ka gje...zakonisht bertas

Jemi takuar ne po nuk e mban mend…

Jo nuk e mbaj mend.

Diku ne vitin 98, per Intervisten ne Tirane, ka qene edhe babai juaj me juve.

Kemi qene ne nje shtepi ndoshta?

Po,tek zyrat e intervistes e cila eshte nje shtepi dykateshe,

Jo, nuk ju mbaj mend fare fare fare

Gjithashtu kemi folur para disa kohesh ne lidhje me filmin..

Ohhh Sangue vivo, e mbaj mend, por si pamje nuk me kujtoheni fare.

S'ka gje, do vendos nje foto timen perkrah intervistes qe te mos me harroni me.

Pra ne lidhje me festivalin.

Persa i perket festivalit une historine time, besoj se e kam bere ne festival.Dmth nuk besoj qe kishte ndodh ndonjehere qe nje kengetare te marri pjese 2 here rradhazi dhe te dyja heret te marri cmimin e pare dhe duke qene gjithashtu hera e pare qe merrja pjese ne kete festival dhe isha vetem 15 vjece. Une nuk kam me nevoj per fitore, kam nevoj per te vazhduar muziken time,fitoret i kam pasur.Me mire te ja leme vendin artisteve te rinj qe po dalin, te fitojne edhe ata nga nje here festivalin. Shansin, jo vetem vetes por edhe RTVSH per tu paraqitur ne Eurosong me nje prezantim dinjitoz ja kam dhene jo nje por dy here dhe per arsye ekonomike nuk kam marre pjese.Tani qe ka ardhur dita qe ne mund te konkurojme, le te shkojne artistet me te reja, kushdo qe e fiton tani festivalin,une nuk kam me nevoj per Festivalin Europian.

Te gjithe deshirojne qe Shqiperia te prezantohet sa me mire, e te them te drejten ne tre vjete jemi prezantuar jo…mire..

Personalisht kam dhene kete idene tjeter,sepse normal qe me behen ftesa per te marre pjese ne festivalin e RTVSH dhe une kam refuzuar normalisht…harrova cfare desha te thoja e humba fillin (qeshim te dy) ngaqe sa jam cuar nga gjumi doja te thoja dick ate rendesishme, por harrova

E paske pas genjeshter (qesh)

Si? JO! JO! Nuk e kam genjeshter.

(Qeshim) Thuhet qe kur deshiron te tregosh dicka,por e harron, ndodh sepse e ke pasur genjeshter.Bej shaka!

Ju keni ardhur edhe me pare ne SH.B.A per koncerte, por kjo eshte hera e pare qe po zhvilloni nje turne apo jo?

Une kam ardhur edhe me pare, kam kenduar dy here ne Nju Jork, por kjo eshte hera e pare qe bej dicka te lidhur ne forme turneu, organizuar nga Nobile Productions te cilen e perfaqson Melinda.

Ne lidhje me jeten tuaj private.A jeni e martuar?

Jo!

Me paskan genjyer.Me thane qe ishe martuar.Thashethemi i rradhes siduket.

Jo.Thashetheme ka pasur plote(Me tregon dhe nje thashethem tjeter te pavertete, por kerkon qe te ngelet midis nesh dhe te mos publikohet ; )

Pashe fotografite e punuara nga Fadil Berisha dhe me pelqyen jashtezakonisht shume, pasi jemi mesuar te ju shikojme te thjeshte dhe nuk eshte se fotot kishin ndonje ekzagjerim, apo makiazh te renduar,por vertet ishin surprizuese.Heren e ardheshme qe do t'ju shohim ne skene, do dilni me nje pamje te tille apo do vazhdoni ti qendroni besnike thjeshtesise suaj?

Jo, une nuk jam si tip, ekstravagante keshtu qe dhe kete gje e tregoj dhe ne skene .Me pelqen te shfaqem me pak sofistikizma, por prap duke qendruar tek e thjeshta.

Vjet ju provuat te konkuronit serisht ne Sanremo. Mesa kam lexuar ne median italiane, ju u futet per te konkuruar ne naten finale, por ne momentet e fundit drejtori i festivalit ju hoqi nga konkurimi pa dhene shpjegim per kete.

Une u futa tek lista e pjesmarreseve dhe gjysem orshin e fundit te mbylljes se listave, emri im eshte hequr per arsye qe i dine vetem ata.Une prandaj nuk mora pjese mu hoq e drejta per te konkuruar dhe pse isha e para ne liste dhe u pranua dikush qe kishte vetem tre muaj.

Me erdhi shume keq kur e mora vesh, pasi vertet uroja te ju shikonim edhe nje here ne Sanremo.

Faleminderit.Nuk ka problem.

Tani ku qendroni me teper dmth. rezidencen e keni ne Itali apo ne Shqiperi?

Une qendroj ne Itali, por ne Shqiperi shkoj shume shpesh, sepse e kam nje ore larg me avion, keshtu qe cdo muaj shkoj per nje fundjave apo me teper.

Po ne lidhje me profesionin tuaj te dyte, ate te arkitektures

Arkitekturen kam disa kohe qe e kam ambandonuar, sepse nuk kam pasur kohe qe ta ndjek, nese I mban dy kembe ne nje kepuce, eshte shume veshtrire te ecesh pastaj.Ndaj dhe une po nuk munda ti perkushtohem 100% arkitektures, do e kem shume veshtire te eci perpara ne menyrr profesionale dhe e njejta gje me muziken.

Ju e keni mbaruar universitetin per arkitekture?

Jo.Kam dy vjete qe nuk e frekuentoj me, por besoj se ne nje moment tjeter te jetes sime do e vazhdoj.

Kush ju duket me cilesore, arkitektura antike apo ajo moderne?

Varet, persa i perket fasadave te pallateve me siguri arkitektura e lashte, ndersa persa i perket arkitektures se brendshme jam me teper per ate moderne.

Ju keni blere shtepi?

Jo nuk kam blere.

Po kur te bleni shtepine tuaj do e beni merreni vete me arkitekturen?

Normalisht 100% po.

Elsa, degjova se jeni ne bisedime ne lidhje me nje projekt dhe ketu ne Amerike por nuk e mbaj mend egzaktesisht.

Shume mire qe nuk e mbakeni mend (qeshim)

Tani une e di, por bej sikur.

Ju kuptova dhe une ndaj.

Seriozisht, a eshte i vertete si lajm mund te na thoni dicka me teper?

Te shohim, po mundohemi te bejme dicka te madhe dhe ketu.

Mezi po presim dhe me te vertete ju a uroj po s'mund te na tregoni dicka me shume?

Nese ma doni te miren (qeshim), atehere me mire mos te flas, sepse zakonisht kur thuhen gjerat para kohe nuk realizohen

Ajo thenie eshte per njerzit qe nuk kane talent, artistet me talent si i juaji nuk kane pse te kene frike.

Une jam me talent por edhe supersticioze.

Elsa atehere, ju uroj shume suksese dhe faleminderit per intervisten!

Faleminderit edhe juve!

EKSKLUZIVE-Zajmina më në fund vishet…


Sapo është publikuar videoklipi i fundit i show girl-it Zajmina Vasjari. Por, nëse sa herë që këngëtare si ajo..

Sapo është publikuar videoklipi i fundit i show girl-it Zajmina Vasjari. Por, nëse sa herë që këngëtare si ajo premtojnë për një klip surprizë e më pas ndodh që surpriza të mos çudisë askënd, nuk është aspak ky rasti i Zajminës. Sepse siç nuk ka bërë asnjëherë tjetër, këngëtarja në klipin e saj të fundit tregon një imazh krejt të ri, një vajzë e veshur kokë e këmbë. Tek “Zarfe trëndafilash” ajo e ka hedhur tej imazhin e sex-simbolit, që ka bërë të marrosen shumë meshkuj. E vëmendja e meshkujve me siguri nuk ka për t’i munguar as në imazhin e ri që përcjell, atë të një lady veshur me fustane që nuk zbulojnë shumë mish, por që nuk e zbehin aspak sensualitetin dhe joshjen e ish-“Miss Shqipërisë”, që së shpejti do t’ju mahnisë me një tjetër surprizë. Zajmina stiliste! E kishit menduar më parë?! Nëse jo, rreshtat më poshtë ju heqin kuriozitetin.




-Prej disa javësh, në disa stacione televizive muzikore po shfaqet kënga juaj më e re “Zarfe trëndafilash”. Kjo është hera e parë që ju bashkëpunoni me një këngëtar të muzikës popullore si Rati, apo jo?

“Kompozitori Gramoz Kozeli kishte përgatitur një këngë, të cilën më sugjeroi që ta këndoja unë. Pasi më bëri propozimin, isha unë që duhej të zgjidhja personin që doja të këndoja dhe preferova Ratin, pasi ai është një emër shumë i njohur i muzikës popullore dhe sigurisht i preferuari im. Besoj se ka dalë një bashkëpunim i bukur, sepse kam marrë goxha përgëzime”.

-Çfarë lidhjeje keni ju me muzikën popullore, pasi ju nuk jeni prezantuar kurrë më parë me këtë zhanër?

“Gjithçka e kam bërë në kuadër të ndryshimit. Prandaj zgjodha edhe një baladë, edhe një këngëtar të muzikës popullore dhe një tjetër stil të veshjes”.

-Meqenëse jemi tek veshja, stili juaj tek kënga “Zarfe trëndafilash” ishte krejt ndryshe nga herët e tjera. Ku mbeti Zajmina ekstravagante?

“Duke qenë se ky ishte një duet, që nuk kishte nevojë për hire të zhveshura, gjeta një stil të mesëm, që përshtatej edhe me tipin tim, edhe me këngën. Çdo detaj i veshjes është stiluar nga “Elia Style” dhe më vjen mirë që ato iu përshtatën më së miri gustove të mia”.

-Si ishte ndjesia e të veshurit nuse në videoklipin tënd?

“Vërtet e bukur, por vetëm për klipin, sepse për t’u veshur nuse në realitet është ende herët për mua”.

-Në të gjitha daljet tuaja publike, qofshin koncerte apo videoklipe, ju jeni ajo që vendosni për mënyrën e veshjes. Madje keni dorë edhe në dizajnimin e tyre. Kjo është arsyeja që ju keni nisur prej disa muajsh një shkollë për stiliste?

“Po, është e vërtetë. Unë studioj në një institut italian mode, në degën e fashion dizajnit. Gjithë veshjet e mia unë thuajse i krijoj vetë dhe elementi që më tërheq më tepër është ngjyra. E bardha dhe e zeza janë dy ngjyrat e preferuarat të mia, sigurisht dhe duke u bazuar në tendencat më të fundit, ku dhe bëj të mundur realizimin e shumë veshjeve interesante”.

-Kjo do të thotë që në të ardhmen do të mund të shohim edhe një Zajminë stiliste?

“Jo në të ardhmen, por shumë shpejt unë do t’ju servir surprizën time të radhës. Unë nuk mund ta quaj ende veten një stiliste profesioniste, sepse jam në hapat e parë të studimeve. Por, duke iu referuar edhe tendencave të modës botërore, mendoj se do t’ia dal mbanë”.

-Kush janë stilistët e tu të preferuar?

“Me stilistët shqiptarët ruaj marrëdhënie shumë të mira me të gjithë, sepse në karrierën time kam bashkëpunuar me pjesën dërrmuese të tyre. Nga të huajt është gjynah të mendosh për krahasime, sepse janë njerëz të aftë dhe tejet të talentuar. Por i preferuari im vazhdon të mbetet Roberto Cavalli”.

-Zajmina, po fustanin me të cilët u shfaqe tek 10-vjetori i “Miss Shqipërisë”, kush e kishte zgjedhur?

“Pikërisht, aty më shumë se në çdo vend tjetër del në pah preferenca ime, e bardha dhe e zeza. Ai ishte një fustan klasik, të cilit i është përshtatur edhe një model flokësh i tillë. Ajo mbrëmje ishte krejt e veçantë për mua, pasi më ktheu gjashtë vite para, kohë kur unë u zgjodha “Miss Shqipëria”. Për më tepër ishte një koincidencë fakti, që edhe prezantuesit, Hygerta Sako dhe Naim Abazi, ishin po ata që drejtonin këtë spektakël bukurie në kohën kur unë u kurorëzova”.

-Ku e sheh veten më të realizuar profesionalisht, tek stilimi, apo kënga?

“Për stilimin është ende herët për të folur, përpos talentin dhe dëshirës sime për të bërë emër edhe në këtë fushë. Por kënga mbetet dashuria ime e parë dhe më e madhe dhe për këtë jam shumë e bindur”.

-Pas baladës më të fundit, je duke projektuar ndonjë hit tjetër?

“Për të qenë e sinqertë, jam duke punuar për të. Është një këngë “hot” që do të dalë gjatë periudhës së verës, madje ia kam gjetur edhe titullin. Këtë detaj nuk mund ta zbuloj sigurisht, por ju premtoj që është një titull ndjellës”.

-Me siguri që ke menduar për një rikthim tek ekstravaganca, apo jo?

“Patjetër që po. Duke iu përshtatur edhe temperaturave të larta, edhe stilit të këngës, është e pamundur që të mendoj për një veshje serioze. Kështu që këtë verë do të shihni një stil tejet të gjetur dhe me linja të zbuluara”.

-Po sa u takon koncerteve, ke pasur shumë të tillë kohët e fundit?

Ndersa un kam sjell nje intervist me tjeter kengeater nese nuk e ke bezdi....
Kantautori Françesk Radi, është një emër i cili tashmë e ka arritur suksesin e tij muzikor, duke sjellë këngë të cilat janë vlerësuar nga publiku. I njohur me krijimtarinë e tij muzikore që në vitet ’70, ai vijon dhe sot duke prezantuar këngë të cilat vijnë të realizuara me mjeshtëri dhe muzikë të bukur.
Në intervistën dhënë për gazetën kantautori Françesk Radi, tregon se si nisi jeta e tij me krijimtarinë muzikore, vështirësitë e para për të dalë në skenë dhe si u mirëpritën dy këngët e tij të para në vitet ’70. Françesk Radi pjesëmarrës për herë të parë në festival ka qenë në vitin 1972, aktivitet si pasojë e të cilit u dënuan emrat që ishin pjesëmarrës për shkak të prirjeve të tyre moderniste. Duke folur për këtë aktivitet, ai tregon se edhe pse në atë kohë krijimtaria muzikore nuk u pëlqye nga regjimi i kohës, nëse do të kishte vijuar më tej me po atë ecuri do të kishte sjellë një klimë tjetër të jetës artistike dhe të këngës shqiptare. Pjesë e intervistës me kantautorin e njohur janë dhe aktivitetet muzikore që zhvillohen sot, ku sipas tij duhet një përgjegjshmëri më e madhe, ndërsa tregon se të rinjtë duhet të studiojnë muzikën dhe jo të bien pre e elektronikës në muzikë.

-Jeni një nga kantautorët e njohur, që keni sjellë këngë të cilat janë mirëpritur nga publiku. Dekada me radhë me krijimtarinë muzikore, por si i kujtoni fillimet tuaja me këngën?
Karrierën në fillim e kam nisur duke kënduar këngët e disa kompozitorëve të tjerë, siç ishin Enver Shëngjergji, miku im Gazmend Mullahi etj. Natyrisht që në atë kohë këndoja dhe këngë të huaja, që ishin hite të kohës. Isha i ri, dhe në atë kohë nuk më lejonin të këndoja, sepse zëri im kishte tendenca të muzikës perëndimore. Ishte viti 1968 dhe dihej se si ishin kohët. Unë isha 18 vjeç dhe e dinin të gjithë që unë këndoja, por nuk mund të futesha në edicionet muzikore që zhvilloheshin në Tiranë. Në vitet ’70 në një ambient ku regjisori i mirënjohur Bujar Kapexhiu me dëgjoi duke kënduar me kitarë, më tha që do të bënte çmos që të isha në premierën e tij me Estradën e Tiranës dhe të këndoja këngën. Ajo ishte një këngë e kompozuar nga Enver Shëngjergji me titull “Udhëtuam së bashku”. Ishte një këngë që kishte dalë në qarkullim në radio në atë kohë dhe unë e këndova në stilin tim, që ishte pak më i veçantë. Ishte Bujar Kapexhiu që bëri që unë për herë të parë të këndoj në skenën e Teatrit të Varietesë.-Në atë kohë Varieteja e Tiranës kishte mbledhur artistët më të mirë, si u ndjetë mes tyre?
Ishte një kënaqësi e madhe, sepse në atë kohë Varieteja e Tiranës ishte një vend ku këndonte Vaçe Zela, Anita Take, si dhe këngëtarë të tjerë të njohur të kohës. Për mua të ngjitesha në atë skenë ishte një nder dhe një privilegj i madh. Më kujtohet që para se të dilja në skenë, unë aty u mora me një konkurs trajtimi, dhe jo për meritat në këngë, por sepse në atë kohë kujtonin se është pak e rrezikshme dalja ime në skenë. Unë dola para një komisioni ku ishin drejtuesit e institucionit dhe këndova këngën vetëm me kitarë, dhe erdhi një nga ata që ishin në komision dhe më tha që duhet të isha më i qeshur në interpretim, sepse kënga flet për aksionet, për rininë. Unë e këndova dhe njëherë këngën dhe u vendos që kënga të futet në spektakël. Kënga në atë kohë u orkestrua nga mjeshtri Alqi Kareco dhe mbaj mend që kur kam dalë në skenë nuk kam parë asgjë, por vetëm kam dëgjuar që në mes të këngës filluan duartrokitjet në sallë dhe u zgjova nga ai ankth. Kjo ka qenë dhe kënga e parë që unë kam kënduar para publikut në një skenë të vlerësuar për kohën.
-Më pas, si vijoi jeta juaj me krijimtarinë muzikore?Unë kam qenë në lice në degën e kontrabasit, por studioja edhe piano edhe kitarë dhe normal që fillova të pajisesha me një kulturë më të gjerë muzikore dhe më profesionale. Fillova ta prekja muzikën konkretisht si në piano dhe kontrabas. Këtu fillova të bëja dhe eksperimentet e para, kisha bërë disa këngë dhe sikur nuk më pëlqenin, derisa fillova të eksperimentoj disa motive shqiptare. Kjo u bë shkaku që unë të përdor disa motive dhe bulëza në këngët e mia, ashtu siç ishte dhe kënga e parë e imja “Adresa” në vitin 1972. Për këtë këngë unë kam përdorur motive të një këngë popullore që thoshte, Sofo, djali. Këtë këngë për herë të parë e ka dëgjuar mjeshtri Kastriot Gjini, i cili e pëlqeu shumë tekstin e kësaj kënge e bëri ai. Kënga doli në anketën muzikore dhe pati sukses të madh në atë kohë. Kjo u këngë u realizua në maj të 1972, ndërsa në muajin korrik të po këtij viti solla dhe këngën “Biçikleta”, një tjetër sukses i kohës. Ishte një fillim i mbarë për mua si kantautor dhe kisha fituar simpatinë e publikut. Pas këtyre këngëve më doli përgjegjësia se si do të dal në Festivalin e 11 në RTSH në vitin 1972. Nuk kisha shumë kohë, megjithatë vendosa të bëj një eksperiment tjetër për në festival.
-çfarë kënge po mendonit në atë kohë?
Vendosa të bëj një këngë që të ishte një tekst politik, por me muzikë moderne. Në atë kohë këngët politike këndoheshin me tjetër muzikë, ishin me marshe dhe unë vendosa që të bëj një Bob Dilan, protesta të kthyera në mënyrën rrok-pop. Tekstin e bëra me Sadik Bejkon, ku i propozova një temë, ku një grup të rinjsh këndojnë në një park me kitarë dhe kënga e tyre është protestë e luftës në Vietnam. Në atë kohë u bënë edhe protesta të mëdha edhe nga vetë amerikanët, sepse nuk donin që të kishin luftë. Unë e shfrytëzova këtë rast dhe bëra këngën “Kur dëgjoj zëra nga bota” për Festivalin e 11 të Këngës në RTSH.Ky festival pati një fund të trishtë për pjesëmarrësit dhe realizuesit e tij, por për ju çfarë u tha në atë kohë?
Festivali i 11 i Këngës në RTSH pati fundin tragjik dhe pas festivalit filluan pasojat. Për mua u tha në mbledhje që Françesk Radi i këndon Vietnamit me kitarë si amerikanët, dhe kjo kishte pasoja. Në këngë thuhej mes të tjerave që: “Në Vietnam o shokë bombarduan sërish sonte, shqetësimin tonë me kitarë ta këndojmë”. Kjo ishte fabula e këngës, por sigurisht që nuk ishin mësuar me një këngë politike me muzikë moderne. Orkestracioni ishte bërë nga mjeshtri Gaspër çurçia me formacionin e tij “Bigband”, i cili ishte i pari për kohën dhe bëri bujë. Pati orkestracione shumë të mira në atë kohë dhe të punuar me mjeshtëri nga çurçia. Pas këtij festivali filluan reprezaljet për të gjithë artistët. Dhe unë si modernist i viteve ’70 më çuan në Fushë-Arrëz, kjo nuk ishte e mirë për mua dhe sa kisha mbaruar shkollën dhe emërimin e kisha në Orkestrën e RTSH, por u detyrova të shkoja atje për 8 vjet. Atje punova në shtëpinë e kulturës dhe merresha me aktivitetet.
-Si ishte rikthimi juaj në Tiranë?
Kur u ktheva pas 8 vitesh në Tiranë, ishin vitet ’80 kishte probleme me punën. Më shikonin sërish me syrin e viteve të festivalit të 11, por në fund gjeta një vend si kitarist në cirkun e Tiranës dhe atje punova disa vite. Më pas më tërhoqi Varieteja e Tiranë sërish si kitarist solist, ku dhe fillova të këndoja edhe këngë. Kjo vijoi deri pas viteve ’90, ku unë fillova karrierën e dytë si kantautor.
-Në rast se nuk do të ishte ndaluar ajo krijimtari e festivalit të atij viti, çfarë do të kishte ndodhur më pas me këngën?
është për të ardhur keq, sepse në rast se muzika shqiptare do të kishte vijuar ecurinë e viteve ’70, sot do të ishte një klimë tjetër e jetës artistike dhe e këngës shqiptare, e artistëve dhe kompozitorëve, por dhe e vetë publikut i cili do të ishte edukuar me një muzikë më profesionale.-Në atë kohë fshehtas dëgjohej muzika italiane, si ka ndikuar kjo në krijimtarinë tuaj muzikore?
Them se kemi qenë me fat që morëm dhe u ndikuam nga muzika italiane, sepse ajo ka qenë gjithmonë një muzikë profesionale që ia vlente të merrej si model i muzikave botërore, pra jo vetëm unë, por dhe brezi im ka qenë me fat që u ndikua nga kjo lloj muzike dhe sidomos në vitet 70 që mbahet si periudha e artë e muzikës, jo vetëm e muzikës italiane, por dhe asaj botërore, dëgjonim çelentanon, Morandin, Luço Batistin e shumë të tjerë, të cilët ishin modele të arta për ne kantautorët e rinj.
-Si e kujtoni prezantimin tuaj të parë në festival pas viteve ‘90?
Ka qenë një këngë me tekst të Romina Power, gruas së Albano Karrizit. Unë e gjeta këtë tekst në disa poezi që ajo kishte botuar. Ishte hera e parë që unë këndoja në festival dhe më pas erdhën me radhë këngët e tjera si “Rroku i burgut”, “Humba pranverën”, “Telefonatë zemrash”, “Zemër e lodhur”, “Ky fat na ra”, “Kemi dasëm ‘o”, pra ishin disa suksese dhe unë jam krenar kur e dëgjoj krijimtarinë time, dhe shikoj që e dëgjojnë në lokale, apo i këndojnë këngët në karaoke.
-Përgatitjet e festivalit të këngës si ishin në ato vite, sa vëmendje i kushtohej përzgjedhjes së krijimtarisë?Ishte një organizim tjetër për festivalet në atë kohë, besoj dhe më i mirë se sa tani. E them këtë sepse faktikisht institucioni, radio, shumë pak punë bën në drejtim të krijimtarisë dhe këngëve që ofrohen. Përpara ti bije partiturën dhe shkoje dhe paraqisje këngën, ku dhe ishin mjeshtrat e muzikës, dhe flas për shefat e redaksisë me Gjon Simonin, Spartak Tilin, Kujtim laro, Nikolla Zoraqi dhe me radhë. Kënga kalonte në një filtër para se ti jepej vula përfundimtare, aty diskutohej për këngët, këngëtarët etj. Ishin disa gjëra që i jepnin këngës drejtim të drejtë për atë që duhej, por që tani këngët i sjellin të paketuara dhe ti lenë në derë. është e vështirë për të bërë vërejtje dhe për të ndryshuar, sepse çdo gjë është e mbyllur në këngë. Këngët që janë realizuar para viteve ’90 pëlqehen edhe sot, sepse në ato vite ne nuk kemi bërë muzikë komerciale për përfitime, por kemi bërë muzikë për shpirtin. Prandaj dhe këngët janë të bukura dhe kanë jetëgjatësi. Sot më vjen keq që bëhen këngë për të fituar. Nuk u vë faj sepse në jetë duhet dhe fitimi, por kjo po konsumon dhe po heq pak nga shpirti i krijimtarisë dhe kompozimit.
-çfarë mendoni sot për zërat e festivaleve?
Kemi këngëtarë të mirë, ka të talentuar dhe normal, sepse tani është edhe koha e spektaklit. Jo vetëm tek ne por dhe në botë i venë rëndësi se si e sjellin këngën në skenë, megjithatë unë si kantautor do të preferoja më shumë anën kompozicionale të këngës, se sa performancën. Nuk ka gjë më të bukur se sa një këngëtar edhe videoklipn ta ketë direkt me këngën e regjistruar nga spektakli, se sa një klip i sajuar me arnime të ndryshme që mundohen ta ngrenë këngën në atë masë që nuk e meriton.-Meqë po flasim për klipet, klipin e parë me këngë në Shqipëri e keni realizuar ju. Si e kujtoni atë kohë?
Unë kam realizuar klipin e parë me këngën “Adresa” dhe më pas ishte me këngën “Biçikleta” në 1972. Për çudi të dy këngët me klipe nuk ekzistojnë. Janë kërkuar edhe nga vetë regjisori që i ka realizuar në arkivin e RTSH, por nuk gjenden. Ose janë djegur gjatë diktaturës, ose kanë humbur pas viteve ’90, por kjo nuk duhet të ndodhte sepse ai është arkiv.
-çfarë këshille iu jepni emrave të rinj në krijimtarinë muzikore?
Muzika është profesion dhe ata duhet ta studiojnë, dhe nuk duhet të bëhen pre e elektronikës.
-A keni pengje në jetën tuaj me krijimtarinë muzikore?
Kam shumë dhe kam dashur që ti realizoj. Kam sjellë dy albume, por kam këngë dhe sa për dy albume të tjera.
-Meqë po flisni për krijimtarinë tuaj, shumë emra profesionistë në muzikë tregojnë se është një problem shumë i madh e drejta e autorit. Ju si mendoni?
Të gjithë artistët apo dhe kompozitorët profesionistë, po e vuajnë këtë dhe nuk po marrin këtë fryt të tyre. Ka shumë muzikantë që janë edhe për të ardhur keq në gjendjen e tyre ekonomike. Në vende të tjera të Europës, një artist jeton me vite me të drejtën e autorit. Krijimtaria shqiptare shfrytëzohet dhe nuk paguhet.-Por gjithashtu dhe tregu muzikor ka huazime të huaja që vijnë si shqiptare?
Shumë këngë janë të huazuara si pasojë e autorëve që merren me muzikën, sepse janë të papërgatitur për të bërë një këngë dhe për të sjellë një mënyrë të re në kompozimet e tyre. Kjo e ka dëmtuar këngën, sepse e ka uniformizuar atë se sa e ka bërë origjinale. Nuk më vjen mirë, por shikoj që shumë krijimtari bëhet dhe në këtë mënyrë dhe kjo tregon dhe paaftësi. Kemi shumë që e mbajnë veten për kompozitorë, por nuk janë. Nëse ke bërë dhjetëra këngë quhesh autor këngësh, pasi kompozitor quhesh kur ke bërë vepra dhe e meriton të quhesh kompozitor.
-Vëllai juaj, aktori Ferdinad Radi ka qenë gjithashtu i njohur në krijimtarinë e tij. Si ka qenë e ndërtuar marrëdhënia mes jush dhe vëllait tuaj?
Nandi ka qenë një pjesë e jetës dhe krijimtarisë sime, dhe çdo gjëje që unë merrja përsipër në jetën artistike, e kam pasur një këshilltar, një ndihmës që më ka dhënë këshilla të vërteta. E kam respektuar për atë që thoshte, ka qenë më i madh se sa unë dhe shumë gjëra i kam prej tij, sepse ai kishte besim në talentin dhe në përpjekjet e mia. Më thoshte Franko ti duhet të bëhesh artist shumë i mirë që jo vetëm të pëlqehesh, por dhe të mbijetosh sepse ne jemi dhe me biografi dhe për të çarë në këto kohë duhet të jesh më i miri. Unë jam përpjekur të bëj më të mirën, pavarësisht sistemit të asaj kohe. Nandi ka shkruar drama shumë të bukura. E respektonin shumë aktorët dhe shtëpia jonë ishte një miniteatër, sepse vinin regjisorët dhe aktorët më të njohur të kohës. Ai kishte shumë shoqëri dhe vetë ai ishte krenar për shoqërinë e tij, por dhe ata e donin sepse ishte njeri i sinqertë dhe i humorit.
-Kur do t’ju shohim sërish në skenë me këngë?
Unë nëse do të dal në skenë do të jem si kantautor. Mendoj shumë para se të sjell një këngë, sepse jam në një moshë që detyrohem që ti bëj hapat e ngadaltë, jo për moshën por më shumë duhet të mendoj se sa të veproj.Krijimtaria muzikore
Françesk Radi ka kryer Liceun Artistik dhe më pas Akademinë e Arteve Tiranë. Për një periudhë të gjatë kohe ka punuar në Estradën e Shtetit me instrumentin e kitarës, por njëkohësisht dhe si kantautor. Në vitin 1992 ai ka filluar punë në Radio Tirana si solist, instrumentist, gjatë kësaj kohe ka kompozuar dhe kënduar shumë këngë në festivalet e ndryshme në RTSH. Në fillimet e tij me krijimtarinë muzikore solli për publikun këngët “Adresa” dhe “Biçikleta”, dhe që nga ai moment Françesk Radi u bë një emër i vlerësuar. Ishin pikërisht këto dy këngët e tij të para të realizuara në vitet ’70, që bënë që krijimtaria e tij artistike të niste rrugëtimin drejt suksesit muzikor. Kënga “Adresa” dhe “Biçikleta” kanë qenë dhe videoklipet e para shqiptare në këngë të xhiruar në vitin 1972. Më pas krijimtaria e tij muzikore do të shënonte sërish një tjetër kulm pas viteve ’90, duke sjellë disa krijime për publikun. Përmendim këtu këngët “Rroku i burgut”, “Humba pranverën”, “Telefonatë zemrash”, “Zemër e lodhur”, “Ky fat na ra”, “Kemi dasëm ‘o” etj, të cilat kanë mbetur në kujtesën e publikut. Intervistoi: Julia Vrapi