Pijet e ftohura mirë janë ideale për piknik dhe argëtim!

[b][img]https://i.servimg.com/u/f63/11/33/63/89/images13.jpg[/img]

Përfundimisht ka ardhur pranvera dhe, me të – edhe ditët e nxehta. Një kohë e përkryer për piknik, do të thoshte dikush Pijet e ftohura mirë janë pjesa kryesore e argëtimit pranveror në ambient të hapur. Për ruajtjen e temperaturës optimale mund të shërbejnë frigoriferët e vegjël të dorës dhe shishet termos. Por, për servim, një enë e bukur e metaltë, e mbushur me akull, do të duket shumë më mirë. Ajo është edhe praktike. Në të mund të lini shishet e lëngjeve për mysafirët, kur të kanë etje.

Nëse vendosni për piknik në plazh, atëherë me rëndësi është që edhe ushqimi që e merrni me vete, të jetë mjaft i ftohtë. Çantat ftohëse me izolim të mirë mund ta ruajnë temperaturën e duhur të ushqimeve edhe pa shtimin e akullit, por për çdo rast, mund të futni në të edhe disa “patronë” të ftohur, që i keni mbushur më parë me ujë dhe i keni ftohur. Nëse futni ushqimet në enë të qëndrueshme ndaj ujit, atëherë mbi to mund të qitni edhe disa katrorë të akullit. Sidomos duhet të keni kujdes me produktet e qumështit dhe me majonezë, të cilat, nëse rrinë në të nxehtë, mund të bëhen ambient i mirë për zhvillimin e baktereve të rrezikshme.

Për çdo rast, është mirë që me vete të merrni edhe pak ushqime grimcuese, të cilat nuk kërkojnë që të ftohen. Pemët e terura dhe pemët me gëzhojë janë zgjidhje e mirë. Nëse në piknik shkoni ditën, mos harroni që me vete ta merrni edhe kremin me faktor mbrojtës, si dhe syzat e diellit. Më vonë, kur të nxehet moti edhe më shumë, në orët e mbrëmjes do të nevojitet edhe ndonjë preparat për mbrojtje kundër pickimit të mushkonjave. Mirë është që me vete të merrni edhe rroba rezervë, diçka për të lexuar dhe një fotoaparat.[/b]

sidomos kur je me dike qe ta don zemra;ah sa te shijojn me then te drejten..